Ots, 12
2010
Aplikazioak, Internet, Multimedia

Power Point aurkezpenak bideo bihurtzeko

acoolsoft2Acoolsoft PPT to Video da baliabide bat Power Point Aurkezpenak bideo bihurtzea era erraz batean ahalbidetzen duena.

Ordainpeko bertsio ezberdinak daude. Acoolsoft PPT to Video Pro, 49,95 $ balio du, Acoolsoft PPT to DVD bertsioak, 59,95 dolar balio du, Acoolsoft PPT to DVD Pro 79,85 dolarretan eros daiteke eta Acoolsoft PPT to flash bertsioak 39,95 $ balio du. Kasu honetan, Power Point aurkezpenak flash filma bihurtzen ditu.

Hala ere, doako bertsio bat jaitsi eta instalatu daiteke, horretarako Downloads atalean Free trials azpiatalera joan beharko da. Hor agertuko da Acoolsoft PPT to Video Free deskargatzeko aukera epe-mugarik gabe. Beste bertsioen probazko fitxategiak deskargatzea ere posiblea da, baina epe-muga batekin kasu hauetan.

Webgunea: http://www.acoolsoft.com

Ots, 12
2010
Internet, Microsoft, Sistema Eragileak

Windows 3.1 on-line nostalgikoentzat

mswindows3_1_2Malenkoniatsuek, Windows 3.1 sistema eragilea on-line erabiltzeko aukera daukate jada. Horretarako http://www.michaelv.org/ joan beharko dira.

Hor, garaiko sistema eragilean zetozen hainbat aplikazio eta aukera erabil daitezke: MS-DOS prompta kontsolan komandoak exekutatzeko, kalkulagailua, ohar bloka, media player, irudi ikustatzailea, Dragamina, Internet nabigatzailea, etab. Sistemaren konfigurazio batzuk ere aldatu daitezke.

Web aplikazioa AJAX eta PHP-ren bitartez garatuta dago eta fitxategi sistema SQL-ren bitartez gordetzen da eta dinamikoa da. Nahiko lan txukuna da, shell-ean komando asko ez ibili arren oraindik.

Erabiltzeko, Mozilla Firefox 3 edo MS Internet Explorer 7 edo 8 gomendatzen da, nahiz eta MS Internet Explorer 6n ere ikusi ahal den. Eta 1024×768 baino handiagoko bereizmena gomendatzen da.

Ots, 04
2010
Aplikazioak, Internet

AutoCAD hodeian

autocad1Autodesk enpresak AutoCAD marrazki aplikazioa hodeira eramatea erabaki du. Beraz ingeniaritza eta arkitektura marrazkiak egiteko aplikazioa hemen dago eskuragai dagoeneko: http://butterfly.autodesk.com. Butterfly izena du Autodesk enpresaren on-line proiektuak. Ez da mahaigaineko aplikazioa bezain sendoa, baina, egia esan, oso ongi dago.

Flash-ez garatuta dago aplikazioa eta edozein nabigatzailetatik, flash gaituta eta Internet konexio batekin, eskuragarri dago, beraz. Honek ekartzen duen abantailetariko bat da sistema eragile ezberdinetan erabili ahal dela. Horrenbestez, MS Windows, GNU/Linux edo Mac Os X sistemetatik erabili ahal izango da.

Autocad fitxategiak gorde eta ireki daitezke, baina horretarako erabiltzaileak izena eman behar du webgunean. Izena emateko, posta elektronikoa, izena, abizenak eta pasahitza eskatzen da. Gainera, lizentzia ere onartu behar da eta proiektuaren posta zerrendan ere izena emateko aukera dago.

1 … 42 43 44 45 46 … 53