Microsoftek abiarazi du Mac Os X sistemetarako Messenger bertsio berriaren beta bat eta dagoeneko eskuragarri dago sistema eragile honen erabiltzaileentzat. Bertsio honen berritasunik handiena da audio eta bideoarekin txat egiteko aukera sartu izana.
Hala ere, Microsoftek jakinarazi du oraingoz fitxategi-transferentzia aukera ez dabilela probazko bertsio honetan, beste gabezi batzuen artean.
Bodega Ubuntu bezalako GNU/ Linux sistemek daukaten software biltegiaren antzeko aplikazio bat da, hor agertzen dira hainbat aplikazio atalka sailkatuta, honela software horretatik, era erraz batean, eskuratu ahal dira aplikazio berriak, musu-truk doakoak badira edo bestela dagokien prezioa ordainduta. Horretaz gain, instalatutako aplikazioen eguneraketak ere kudeatu ahal dira, Bodegaren datu basean baldin badaude. Hau guztia, nolabait, Applen iTunes Store-ren ukituarekin.
Bodegaren bitartez eskuratu ahal diren aplikazio kopurua nahiko jatorra da, ia 800 aplikazio dauka, hain zuzen ere. Gainera, aplikazioak baloratzea baimentzen du. Mac Os X 10.5 edo goragoko bertsioetan instalatu daiteke eta debalde deskargatu daiteke helbide honetatik:
Antza denez, jada ez da egongo eguneraketa berririk Appleren Mac Os X Tiger (Mac Os X 10.4) sistema eragilerako. Izan ere, nazioarteko konpainiak, ohikoa den bezala, soilik azken bi bertsioen eguneraketak ateratzen jarraituko du, Snow Leopard (Mac OS X 10.6) eta Leopard (Mac OS X 10.5), alegia.
Honen arazoa da Snow Leopard soilik ibiltzen dela Intel prozesagailua duten Mac gailuetan, beraz, Power PC duten erabiltzaileek eguneraketak jasotzen jarraitu nahi badute, edo Leopardera eguneratu beharko dute sistema, edo Intel prozesagailua duen Mac gailu berri bat erosi beharko dute.
Bestetik, Apple dagoeneko Mac Os X 10.7 sistema eragilearen bertsio berrian lanean omen dabil.
Ingeniari Informatikoa. Egun, irakaslea Bigarren Hezkuntza eta Batxilergoan. Bitarlan enpresaren sortzailea eta Arakaldoko Udaleko Diruzaina.
Ingeniari Informatikoa. Egun, irakaslea Bigarren Hezkuntza, Batxilergo eta Lanbide Heziketan. Geek, mangaka, kirola eta bideo-jokoak aisialdian...
