Internet segurtasun Incapsula izeneko enpresak argitaratutako txosten batean Internet erabiltzaileek sare osoaren trafikoaren %49 baino ez dutela suposatzen adierazten da. Beste guztia, ordenagailuek sortutako trafikoa da eta kasu askotan gainera, asmo txarrekin.

Ordenagailu eta bestelako roboten trafikoari dagokionez, honen %20 bilatzaileena eta asmo txarrik gabeko trafikoa da. Alabaina, geratzen den %31 asmo txarreko trafikoa izango litzateke.

Txosten hau garatzeko, Incapsula enpresak haien bezeroen mila webgune baino gehiago aztertu zituen, haietariko bakoitzak, batez beste, 50.000 eta 100.000 bisitari hileko izanda.

Web estatistika sistemarik ospetsuenak adierazten dutenaren arabera, ez dute kontutan hartzen mota honetako trafikoa bisitarien kopuruen zehaztapenetan. Adibidez, Google Analytics (http://www.google.com/intl/es/analytics/) zerbitzuak egiazko bisitariei dagozkien bisitak besterik ez du erakusten. Hala ere, estatistiketan ordenagailuen trafikoa ez ikusi arren ematen da, beraz, web zerbitzariek jasan behar dute eta trafiko osoa jasan ahal izateko baliabideak izan behar dituzte.

Albiste osoa ikusteko, helbide honetara joan daiteke: http://www.incapsula.com/the-incapsula-blog/blog-2012/114-what-google-doesnt-show-you-31-of-website-traffic-can-harm-your-business