ICANN korporazioak, hainbat urte iraun duen eztabaidaren ondoren, Interneteko helbideak edozein hitzetan eta edozein hizkuntzatan amaitzeko aukera onartu du.
ICANN Izenak eta Zenbakiak Banatzeko Interneteko Korporazioa da. Erakunde horrek kudeatzen ditu Interneten aurkitzen ditugun domeinu izen eta IP helbideak. Goi mailako domeinuak dira Interneten erabiltzen ditugun izenetan ageri den azken atala, hain ezagunak diren .com, .net .info eta horrelakoak. 22 goi mailako domeinu generiko daude, eta beste 250 lurralde domeinu. Adibide gisa, .fr Frantziarentzat edo .es Espainiarentzat.
Onartutako aldaketarekin, edozein enpresa, hiri edo taldek lehen mailako domeinu generiko bat eskatzeko aukera izango du. Domeinu izen berrien salerosketa edo espekulazioa saihesteko, ICANNek hainbat baldintza jarriko ditu erregistroa garbia izan dadin. Gainera, 185.000 dolarreko ordainketa egin beharko da.
2012. urteko urtarrilaren 12an zabalduko da domeinu berrien eskaera egiteko epea, eta apirilean itxi.
Baimendutako domeinu berri horiek 2013. urtearen erdialdean lanean hasteko moduan izango direla uste da.
2 Responses to ICANN erakundeak Interneteko domeinuak zabalduko ditu
La asociación PuntuEus pedirá formalmente un dominio de Internet para el euskera en 2012: http://www.euskadinnova.net/es/enpresa-digitala/noticias/asociacion-puntueus-pedira-formalmente-dominio-internet-para-euskera-2012/7729.aspx?utm_source=boletin&utm_medium=email&utm_campaign=boletin_138
puntueus elkarteak honen inguruan esandakoa: http://www.puntueus.org/eu/berriak/2012-urtean-EUS-domeinua-eskatuko-dugu/