Irailaren 23an euskal komunitate txiki batek Android Jelly Bean 4.1.1 bertsioa euskaratzeko ekimena jarri zuen martxan. Helburutzat, itzulpenok Google-ko proiektuan hainbat arinen txertatzea da; horri esker, sakelako eta tableten konpainiek beraien Android bertsioak euskaraz jartzeko aukera izan dezaten. Haien asmoa, talde txikia eratzea zen, itzulpen zehatzagoak eta txukunagoak lortzeko asmotan, eta aldian aldiko auzolan bidezko laguntza puntualak jasotzeko asmoz. Horren erakusle, adierazgarria da duela aste pare bat balidatzaile bila ibili zirela, itzulpenetan aditu eta esperientziadunen bila, alegia. Itzulpen guztiak Creative Commons BY-SA lizentziapean sortu dituzte, software libre gisa erabilgarri.
Aurrerapenik badago, eta pasa den urriaren 4an kaleratu zuten oharrari ikustea besterik ez dago horretaz ohartzeko. Bertan adierazi zuten bukatutako aplikazioen behin-behineko zerrenda: Calculator, Calendar, DeskClock, Exchange, Gallery, HTMLViewer, KeyChain, Music, MusicFX, Protips, SoundRecorder eta VoiceDialer dira erabat euskaratuak daudenak oraingoz.
Adi egon beraien webera, laster egongo baita deskargagarri instalatu nahi duenarentzat ROMa: http://androideuskaraz.akting.eu/.
