Free PDF Converter MS Windows sistemetarako aplikazio bat da PDFak formatu ezberdin bihurtzeko. Aplikazio honen bitartez EPUB, testu, flash, html eta irudi formatu bihurtu daitezke PDFak. Hala ere, aukerarik interesgarriena, zalantzarik gabe EPUB formatu bihurtzeko aukera da, ebook formatuetariko bat, alegia. Ez daudelako aplikazio asko PDFak ebook bihurtzeko. Ezagunenetarikoa Calibre (http://calibre-ebook.com/) da, gainera, azken hau software librea da eta liburu elektronikoetarako kudeaketa oso bat eskaintzen du eta EPUB ez ezik beste ebook formatu batzuk ere onartzen ditu bihurketak egiteko. Beste aukera bat Hamster Free Ebook da (http://www.hamstersoft.com/free-ebook-converter). Baina inoiz ez dago soberan aukera gehiago edukitzea.

Aplikazioaren interfaze grafikoa oso erabilerraza da eta oso azkarra da edozein bihurketa egitea.

Aplikazioa doakoa da eta MS Windows 8, 7, Vista eta XP bertsioetan erabil daiteke, eskuragarri dago 32 bit zein 64 biteko bertsioetan.

Free PDF Converter deskargatzeko eta informazio gehiago eskuratzeko proiektuaren webgunera joan daiteke, hau da helbidea: http://www.pdfmate.com/pdf-converter-free.html.